سؤال وجواب أسئلة 8 أكتوبر2024 لم شمل, فيزا سياحة ,الهجرة العشوائية اللوتري, مقابلات السفارة الأمريكية
( هام أضغط على السؤال لعرض الاجابة )
السؤال 1: المصوراتى عمل لى الصورة بالمواصفات المطلوبة، الخلفية بيضاء فوتوشوب، لكن مدون اى تعديل فى صورتى ، لكن المقاس 600 x 600 pxl هل دى كده مقبولة ولا لأ؟
الإجابة: مقبولة من ناحية الابعاد لكن لابد من فحص المواصفات من خلال تقوم بعمل الاختبار للصورة .. يتبع ⤹
السؤال 2: هنتصور وهقدم لاول مرة انا وجوزي وولادي عاوزة اعرف عادي اقدم انا ولا لا م حد يقدملي و المعلومات اللي سمعتها صح ولا غلط حد قالي لو اتقبلتي بتسافري وبعد ما توصلو ملهمش دعوة بيكم وحد تاني قالي أنهم بيوفرو سكن وشغل انا معنديش اي معلومات خالص غير دول ؟
الإجابة: اذا كان لديك خبرة كافية عن التقديم الصحيح والاجراءات للوترى والعكس يمكنك الاستعانة بخدماتنا فى مجال السفارات و التأشيرات ومساعدتك فى التقديم على الهجرة العشوائية اللوترى من خلال الضغط على حجز التقديم على الهجرة العشوائية الي أمريكا 2026 DV Lottery Online ) ادارة الهجرة لا توفر لكم الا التاشيرة والاقامة الجرين كارد فقط يمكنك مراجعة شروط و أهم الأسئلة المتكررة للهجرة العشوائية اللوترى والإجابة عليها طبقا لتعليمات وزارة الخارجية الأمريكية سوف تجد الاجابة بالتفاصيل السؤال رقم 24 اضغط على رابط الشروط .. يتبع ⤹
السؤال 3: مساء الخير دلوقتي انا فامريكا ومنفصله عن زوجي بشكل غير رسمي بس في انفصال ومعايا طفل تحت سن العشر سنين هل لو حبيت انزل مصر اي وقت انا وابني في اي حاجة ممكن توقفني سواء خارجة من امريكا او من مصر؟
الإجابة: فى حالة تسجيل منع قانونى من جهة الاب فى مصر لن يستطيعوا الخروج من المطارات المصرية
السؤال 4: ولاية تينسي ولا تكساس افضل فى المدارس فى الشغل فى الكنائس فى العيشة لانى انا واحد هسافر الشهر الجاي ومش عارف حاجة ؟
الإجابة: فى المقارنة بين الولايتين بالتحديد تكساس الافضل
- ⏪ إجراءات التقديم على فيزا سياحة لأمريكا B1\ B2
- ⏪ خطوات تقديم تاشيرة سياحة للاطفال اونلاين بالبريد بدون مقابلة
السؤال 5: بالنسبة للتقديم للهجرة العشوائية، لو حد موجود في امريكا ومخلف اطفال هناك وعامل لجوء والقضية لسة شغالة، هل يقدر يقدم ولا لا؟ ولو قدم، هل بيتم اضافة الاولاد اللي تم ولادتهم في امريكا ومعاهم الجنسية ولا التقديم بيبقى ازاي ؟
الإجابة: نعم مسموح بالتقديم على الهجرة العشوائية ولا يضاف اى شخص حامل الجرين او الجنسية .. يتبع ⤹
السؤال 6: انا متجوزه ومامتي عملالي قضيه ضم شمل سنه ٢٠١٩ ودلوقت انا اتقبلت فيزا سياحه وجوزي هيقدم بنفس طريقتي وهيتقبل ايه الإجراءات اللي المفروض اعملها عشان استقر هناك هل بقدم علي قضيه لجوء واكسر فيزا بس في الحاله دي ايه اللي بيحصل لقضيه الشمل عشان انا مش عاوزه اخسرها عشان هي الاضمن ولا في طريقه تانيه ممكن نعجل من قضيه لم الشمل عشان انا بقيت موجوده في امريكا؟
الإجابة: مبدائيا توضيح لم الشمل معاملة هجرة وليس قضية .. تاشيرتك لا تصلح غير لاغراض السياحة والفسح فقط لا يوجد حل رسمى لحالتك غير كسر التاشيرة والتقديم على اللجوء ولا يوجد تسريع .. يتبع ⤹
السؤال 7: في خانة ال middle name انا كتب اسم الاب فقط وفي ال last name كتبت اسم الجد هل ده غلط ؟
الإجابة: سبق الشرح على موقعنا طريقة كتابة الاسماء بالشكل الصحيح يمكنك مراجعة شروط و أهم الأسئلة المتكررة للهجرة العشوائية اللوترى والإجابة عليها طبقا لتعليمات وزارة الخارجية الأمريكية سوف تجد الاجابة بالتفاصيل السؤال رقم 19 اضغط على رابط الشروط .. فى حالة الاخطاء انتظر النتيجة فى شهر 5\2025 واذا تم اختيارك فى اللوترى اسالنا مرة اخرى ونوضح لك طريقة التصحيح حسب تفاصيل الخطا .. يتبع ⤹
السؤال 8: انا في تالتة جامعة بس انا كتبت في. المؤهل الدراسي high school degree كدة غلط ؟ وهل ليها حل؟
الإجابة: اختيارك للمؤهل غير صحيح لحالتك التعليمية ولكنه لن يؤثر نهائى .. يتبع ⤹
- ⏪ فيزا أذربيجان للمصريين اسهل فيزا بدون كشف حساب
- ⏪ اسرار استخراج كشف حساب بنكى للسفارات وحصولك على التأشيرة
السؤال 9: استفسار بخصوص فيزا شنغن لو الفيزا مالتي بشهر اقعد اسبوعين في البلد هل ممكن اسافر اخر فترة صلاحية الفيزا ولازم اسافر ويكون فاضل في الفيزا الاسبوعين فترة الاقامة جوة البلد يعني لو الفيزا من ١/١٠ ل ١/١١ ينفع اسافر ٣٠/١٠ مثلا ولا لازم اسافر بحد اقصي ١٥/١٠ علشان الرجوع يكون قبل انتهاء الفيزا ؟
الإجابة: المدة المسوحة ليك للاقامة فى دولة الشنغن خلال صلاحية التاشيرة نفسها اى لابد من العودة لمصر قبل نهاية التاشيرة 1/11.. وجودك داخل دولة الشنغن بعد تاريخ انتهاء التاشيرة يعتبر مخالفة وكسر للتاشيرة .. يتبع ⤹
السؤال 10: عندى ابنى مهاجر هجرة غير شرعيه الى امريكا عنده اقل من 21 سنة حاليا هل اضيفه معايا فى تقديم اللوترى ولا لاا علما بان وقت ظهور النتيجه قبل شهر 8 هايكون عنده 21 سنه وهل لو عرفو ان ابنى مهاجر غير شرعى ده هايأثر عليا لو فوزت فى اللوترى لان فيه حد قالى ماينفعش اضيفه لانى لو ضيفته مش هاينفع اسافر بسببه لو فوزت ؟
الإجابة: قانونيا لابد من اضافة اى ابناء تحت سن ال 21 اعزب والحل لازم اضافته فى الابلكيشن روتينيا و لا يوجد اختيارات وعدم اضافته سوف تحصل على رفض فى المقابلة .. لكن فعليا الابن لن يستفيد باى شئ فى حالة تم اختيارك فى اللوترى لسبيين عمره سوف يتخطى ال 21 ويصبح منفصل عن الاسرة وفى نفس الوقت لن يستطيع الخروج من امريكا بسبب سريان قضية اللجوء اذا كان تحت ال 21 ومستحق المقابلة .. ولا يوجد اى تاثير على مقابلتك فى حالة تم اختيارك فى الهجرة العشوائية ولا تنسى اضافته كما سبق التوضيح .. يتبع ⤹
- ⏪ أسباب رفض فيزا شنجن أوروبا وكيفية تجنب هذه الأخطاء
- ⏪ أرخص شهر لحجز تذاكر الطيران وأهم طرق الحجز بأقل سعر
⏪ تأشيرة روسيا للمصريين: خطوات وشروط استخراج فيزا سياحة
- بعد كتابة السؤال او التعليق والضغط على ( نشر) تنتظر خلال 48 ساعة سوف تحصل على موافقة نشر السؤال والإجابة عليها.
- يجب عليك المتابعة والعودة إلى الصفحة مرة أخرى مع الاحتفاظ بتاريخ الاسئلة والبحث عن سؤالك لمشاهدة الرد ولا يوجد لدينا خاصية الاشعارات وفى حالة اردت الحصول على اشعار ويصل اليك الاجابة قم بالدخول بحساب Google الخاص بك بدلا من مجهول.
- للوصول إلى هذه الصفحة في وقت أخر قم بالبحث في جوجل Google بالنص عن ( موقع معلومات المسافر )
لاضافة تعليق او سوال